iQOO kompaniyasi Xitoy bozori uchun yangi flagman smartfon tayyorlamoqda. Insayder ma’lumotlariga ko‘ra, qurilma hali rasmiy nomga ega emas, biroq u iQOO 15 seriyasiga kirishi mumkin.
Yangi model Dimensity 9500 protsessori bilan jihozlanadi. Bu chip flagman darajasida bo‘lib, yuqori unumdorlikni ta’minlashi kutilmoqda. Qurilma shu chipdan foydalanuvchi oxirgi sub-brend modeli bo‘lishi ham mumkin.
Smartfon 6,83 dyuymli 2K OLED displeyga ega bo‘ladi. Ekranga ultratovushli barmoq izi skaneri o‘rnatilishi rejalashtirilgan. Mustahkamlik uchun metall korpus va IP68 hamda IP69 darajasidagi suv va changdan himoya qo‘llanadi.
Modelning asosiy jihatlaridan biri — uning katta batareyasi. Qurilma taxminan 8000 mAh sig‘imli akkumulyator bilan taqdim etilishi kutilmoqda. Bu esa uzoq ishlash muddatini ta’minlaydi. Kamera qismi ham sezilarli darajada yaxshilanishi mumkin. Insayderlarga ko‘ra, smartfon 200 megapikselli asosiy kamera bilan jihozlanadi. Biroq yakuniy texnik tafsilotlar hali tasdiqlanmagan.
Yangi model may oyida taqdim etilishi kutilmoqda. U Redmi K90 Max va OnePlus Ace 6 Ultra kabi shu chipdan foydalanishi kutilayotgan qurilmalar bilan raqobatlashadi.
Qaynoq24.uz iQOO Z11 smartfoni taqdim etilgani haqida yozgan edi.
