Farg‘ona viloyati Marg‘ilon shahrida tabiiy gazdan noqonuniy foydalanish bilan bog‘liq yirik holat aniqlandi. Bu haqda Energetika vazirligi ma’lum qildi.
Nazorat tadbiri komplayens nazorat tuzilmalari, mahalla bilan ishlash bo‘limi va huquq-tartibot organlari hamkorligida o‘tkazilgan. Tekshiruv davomida “Pichoqchi” MFYdagi Xiyobon ko‘chasida joylashgan “B. B.” MChJga qarashli ko‘p qavatli uy xatlovdan o‘tkazilgan.
O‘rganishlar natijasida mazkur obyekt ta’minot tashkiloti bilan shartnoma tuzmasdan tabiiy gazdan foydalanib kelgani aniqlangan. Qoidabuzarlik bo‘yicha dalolatnoma rasmiylashtirildi. Hisob-kitoblarga ko‘ra, noqonuniy foydalanish oqibatida yetkazilgan zarar 1 mlrd 650 mln so‘mni tashkil etgan. Mazkur holat yuzasidan barcha hujjatlar huquqni muhofaza qiluvchi organlarga taqdim etildi.
Qaynoq24.uz Ohangaronda sifatsiz dorilarning savdosiga urinish fosh etilgani haqida yozgan edi.
