2026-yilning yanvar–fevral oylarida O‘zbekiston xorijga 466,6 mln dollarlik to‘qimachilik mahsulotlari eksport qildi. Bu haqda Milliy statistika qo‘mitasi ma’lum qildi.
Mazkur ko‘rsatkich umumiy eksport hajmining 13,2 foizini tashkil etdi. Shu bilan birga, eksport o‘tgan yilning mos davriga nisbatan 15,5 foizga oshgani qayd etildi. Eksport tarkibida tayyor to‘qimachilik mahsulotlari asosiy ulushni egallagan bo‘lib, ularning hissasi 52 foizga teng. Ip-kalava eksporti 30 foizni tashkil etgan.
Shuningdek, trikotaj matolar 8 foiz, gazlamalar 7 foiz ulush bilan eksport qilingan. Qolgan qismda paypoq mahsulotlari va gilamlar hissasi nisbatan kam bo‘lib, ular mos ravishda 2 foiz va 1 foizni tashkil etgan.
Qaynoq24.uz O‘zbekiston Respublikasining import hajmi 8,1 mlrd dollarni tashkil etgani haqida yozgan edi.
