2025/2026 o‘quv yili boshida O‘zbekistondagi umumiy o‘rta ta’lim muassasalarida tahsil olayotgan o‘quvchilar soni 6 mln 870,5 ming nafarga yetdi. Bu haqda Milliy statistika qo‘mitasi ma’lum qildi.
Mazkur ko‘rsatkich o‘tgan o‘quv yiliga nisbatan 94,2 ming nafarga ko‘p. Bu esa mamlakatda ta’lim tizimiga qamrov kengayib borayotganini ko‘rsatadi. Jami o‘quvchilarning 51,2 foizini o‘g‘il bolalar, 48,8 foizini esa qizlar tashkil etgan. Bu nisbat ta’limga jalb etilish darajasi deyarli teng ekanini anglatadi.
Hududlar kesimida eng ko‘p o‘quvchi Samarqand viloyatida qayd etilgan. Undan keyingi o‘rinlarda Farg‘ona va Qashqadaryo viloyatlari turibdi. Eng kam ko‘rsatkich esa Sirdaryo viloyatida kuzatilgan.
Jadval:
| Hudud | O‘quvchilar soni |
|---|---|
| Qoraqalpog‘iston Respublikasi | 375,5 ming |
| Andijon viloyati | 634,7 ming |
| Buxoro viloyati | 348,4 ming |
| Jizzax viloyati | 284,6 ming |
| Qashqadaryo viloyati | 688,1 ming |
| Navoiy viloyati | 195,7 ming |
| Namangan viloyati | 571,3 ming |
| Samarqand viloyati | 814,2 ming |
| Surxondaryo viloyati | 572,8 ming |
| Sirdaryo viloyati | 165,1 ming |
| Toshkent viloyati | 547,2 ming |
| Farg‘ona viloyati | 733,4 ming |
| Xorazm viloyati | 377,4 ming |
| Toshkent shahri | 562,1 ming |
Qaynoq24.uz 35 yilda investitsiya hajmi 14,2 barobarga oshgani haqida yozgan edi.
