TECNO Hindistonda yangi budjet smartfoni — TECNO POP X 5G modelini taqdim etdi. Model arzon segmentda 5G qo‘llab-quvvatlashi, katta batareya va mustahkam korpusi bilan ajralib turadi.
Smartfon MediaTek Dimensity 6400 protsessori bilan jihozlangan. Qurilma 4 yoki 6 GB operativ xotira va 128 GB ichki xotira bilan taklif etiladi. Xotirani microSD orqali 2 TB gacha kengaytirish mumkin. Tizim Android 16 asosida ishlaydi. Old panelda 6,78 dyuymli HD+ ekran o‘rnatilgan. Displey 120 Hz yangilanish tezligiga ega. Sensor tezligi esa 240 Hz ga yetadi. Yorqinlik 560 nitgacha chiqadi.
Kamera qismi oddiy darajada. Asosiy kamera 13 MP, old kamera esa 8 MP. Asosiy urg‘u batareyaga berilgan. Qurilmada 6500 mAh sig‘imli batareya mavjud. U 45 Vt tezkor zaryadlashni qo‘llab-quvvatlaydi. Korpus IP64 standartiga ega bo‘lib, chang va suv sachrashiga chidamli.
Qiziqarli funksiyalardan biri — FreeLink texnologiyasi. U orqali foydalanuvchilar mobil tarmoqsiz ham 1,5 km masofagacha qo‘ng‘iroq qilish, xabar yuborish va fayl almashishi mumkin.
Smartfon narxi 4/128 GB versiya uchun taxminan $190, 6/128 GB uchun esa $215 atrofida belgilangan. Sotuvlar 24-apreldan boshlanadi.
Qaynoq24.uz Tecno Spark 50 4G smartfoni taqdim etilgani haqida yozgan edi.
