Xitoyda Vivo Y500s smartfoni rasman taqdim etildi. Bu haqda Gizmochina texnologiyalar nashri xabar bermoqda.
Yangi model Qualcomm Snapdragon 4 Gen 2 protsessori asosida ishlaydi. Ushbu chip 4 nm texnologiyada ishlab chiqarilgan va kundalik foydalanish uchun yetarli unumdorlik beradi. Smartfon 8 GB va 12 GB operativ xotira bilan taklif qilinadi. Ichki xotira esa 256 GB yoki 512 GB variantlarda mavjud. Bu esa foydalanuvchilarga katta hajmdagi fayllarni saqlash imkonini beradi.
Ekran qismi 6,75 dyuymli LCD paneldan iborat. Uning aniqligi 1570 × 720 pikselni tashkil etadi. Displey 120 Hz yangilanish tezligini qo‘llab-quvvatlaydi, bu esa skroll qilishni ancha silliq qiladi. Asosiy kamera 50 megapikseldan iborat. Kompaniya sensor haqida to‘liq ma’lumot bermagan, ammo bu segment uchun yaxshi ko‘rsatkich hisoblanadi. Old kamera esa 8 MP bo‘lib, videoqo‘ng‘iroqlar uchun mo‘ljallangan.
Eng muhim jihatlardan biri batareya hisoblanadi. Qurilmaga 7200 mAh sig‘imli akkumulyator o‘rnatilgan. U 44 W tezkor quvvatlashni qo‘llab-quvvatlaydi. Narxlarga kelsak, 8/256 GB versiya 1800 yuan yoki taxminan $265 etib belgilangan. 12/256 GB va 8/512 GB variantlari esa 2200 yuan yoki $320 atrofida baholanmoqda.
Smartfon qora, oltin va kumush ranglarda taqdim etilgan. Hozircha u Xitoy bozorida sotuvga chiqarilgan.
Qaynoq24.uz Vivo X500 seriyasi haqida ilk ma’lumotlar paydo bo‘lgani haqida yozgan edi.
