BYD kompaniyasining yangi flagman krossoveri — BYD Sealion 08 modeli ilk marta rasman taqdimotdan oldin ochiqlandi. Avtomobil Beijing Auto Show 2026 doirasida namoyish etiladi.
Ma’lumotlarga ko‘ra, yangi model 5 metrdan ortiq uzunlikka ega bo‘ladi. Kengligi qariyb 2 metr, g‘ildirak bazasi esa 3 metrdan oshadi. Bu uni yirik va premium SUV segmentiga olib chiqadi.
Sealion 08 uch qatorli salonga ega bo‘lib, katta oilaviy avtomobil sifatida ishlab chiqilgan. Dizaynda BYD’ning Ocean uslubi qo‘llangan. Old qismi sodda, yorug‘lik elementlari ingichka, tom qismida esa LiDAR sensori joylashgan.
Yangi model elektr va gibrid versiyalarda taqdim etilishi kutilmoqda. Elektr versiyasi 800V platformada ishlaydi va kompaniyaning yangi avlod Blade akkumulyatori bilan jihozlanadi. Quvvati 480 kVtdan oshishi mumkin bo‘lgan ikki motorli versiyasi 0 dan 100 km/soatga 5 soniyadan kam vaqtda chiqishi kutilmoqda. Ayrim ma’lumotlarga ko‘ra, yurish zaxirasi 1000 kmgacha yetishi mumkin, ammo bu hali rasman tasdiqlanmagan.
Avtomobil ilg‘or texnologiyalar bilan jihozlanadi. Jumladan, havo amortizatsiyasi, LiDAR asosidagi yordamchi tizimlar va orqa g‘ildiraklar burilish funksiyasi qo‘llanilishi mumkin. Yangi model BYD’ning Ocean seriyasidagi eng yuqori segmentga tegishli bo‘ladi. U premium aqlli SUV bozorida raqobatni kuchaytirishi kutilmoqda.
Qaynoq24.uz BYD Sealion 05 avtomobili taqdim etildigani haqida yozgan edi.
