Huawei yangi flagman smartfonlari — Huawei Pura 90 Pro va Huawei Pura 90 Pro Max modellarini taqdim etdi. Bu safar kompaniya Ultra versiyadan voz kechib, Pro Max’ni eng yuqori model sifatida chiqardi.
Yangi smartfonlar dizayn va ranglarda yangilanish oldi. Pro Max modeli ikki rangli gradient metall ramkaga ega bo‘ldi. U “emotional color” uslubida ishlab chiqilgan. Oddiy Pro esa soddaroq ranglarda taklif etiladi. Ekran o‘lchami ham farq qiladi. Pro modeli 6,6 dyuym, Pro Max esa 6,9 dyuym displey bilan jihozlangan. Ikkalasida ham markaziy teshik (punch-hole) kamera mavjud.
Kamera tizimi asosiy yangiliklardan biri bo‘ldi. Pro Max modelida 50 MP asosiy kamera, 40 MP ultra keng kamera va 200 MP periskop telekamera mavjud. Ushbu kamera 4 karra optik zoom va yuqori sifatli yaqinlashtirishni ta’minlaydi. Kompaniya yorug‘lik qabul qilish va stabilizatsiya sezilarli yaxshilanganini ta’kidlamoqda.
Pro modeli ham kuchli kameraga ega, ammo biroz soddalashtirilgan. Unda 50 MP asosiy kamera, 12,5 MP ultra keng va 50 MP periskop kamera mavjud.
Texnik imkoniyatlari
Smartfonlar yangi Kirin 9030S protsessorida ishlaydi. Kompaniya sun’iy intellekt imkoniyatlari sezilarli darajada oshganini bildirdi. AI yordamida suratga olish, portretni yaxshilash va sahnani aniqlash funksiyalari takomillashtirilgan.
Qurilmalar HarmonyOS 6.1 tizimida ishlaydi. Pro Max modelida qo‘shimcha ravishda mustahkamlangan Kunlun oynasi qo‘llangan.
Narxlar:
Huawei Pura 90 Pro
| Variant | Narx (yuan) | Narx ($) |
|---|---|---|
| 12GB + 256GB | 5 499 | $824 |
| 12GB + 512GB | 5 999 | $899 |
| 16GB + 512GB | 6 499 | $974 |
| 16GB + 1TB | 7 499 | $1 124 |
Huawei Pura 90 Pro Max
| Variant | Narx (yuan) | Narx ($) |
|---|---|---|
| 12GB + 256GB | 6 499 | $974 |
| 12GB + 512GB | 6 999 | $1 049 |
| 16GB + 512GB | 7 499 | $1 124 |
| 16GB + 1TB | 8 499 | $1 274 |
Qaynoq24.uz Huawei Pura 90 smartfoni qanday dizaynga ega bo‘lishi haqida yozgan edi.
