Hyundai Motor America 2026-yilgi Hyundai IONIQ 5 N elektromobilining AQSh bozoridagi boshlang‘ich narxini sezilarli darajada pasaytirdi.
Yuqori unumdorlikka ega elektr krossover endi yetkazib berish xarajatlarisiz $59,9 mingdan sotiladi. Bu avvalgi model yiliga nisbatan $6,3 mingga arzon.
Avtomobil uchun qo‘shimcha $1,6 ming miqdorida yetkazib berish to‘lovi undiriladi. Shunday qilib, majburiy to‘lov hisobga olinganda modelning boshlang‘ich narxi $61,5 mingni tashkil etadi. Kompaniya narx pasaytirilishi Hyundai’ning yuqori unumdor N turkumini kengroq xaridorlar qatlamiga taqdim etish strategiyasining bir qismi ekanini bildirdi.
Hyundai Motor North America mahsulotlarni rejalashtirish bo‘yicha direktori Riki Laoning ta’kidlashicha, IONIQ 5 N kompaniyaning mutaxassislar tomonidan eng yuqori baholangan modellaridan biri hisoblanadi. Narxning pasaytirilishi uning unumdorligi, texnologiyalari va innovatsion imkoniyatlaridan ko‘proq avtomobil ishqibozlari foydalanishiga yordam beradi.
Narx arzonlashganiga qaramay, 2026-yilgi model bir qator texnik va dasturiy yangilanishlarga ega bo‘ldi. Eng muhim o‘zgarishlardan biri Shimoliy Amerika quvvatlash standarti — NACS portining o‘rnatilishi bo‘ldi. U avvalgi CCS ulagichini almashtirdi va avtomobil egalariga Tesla Supercharger quvvatlash shoxobchalaridan bevosita foydalanish imkonini beradi.
Hyundai avtomobil bilan birga o‘zgaruvchan va doimiy tok orqali quvvatlashga mo‘ljallangan CCS–NACS adapterlarini ham taqdim etadi. Shuningdek, komplektga birinchi va ikkinchi darajadagi tarmoqlarda ishlaydigan ikki kuchlanishli quvvatlash qurilmasi kiritilgan.
Qaynoq24.uz yangi Hyundai Tucson namoyish etilgani haqida yozgan edi.
