O‘zbekiston Markaziy banki huzuridagi Bank nazorati qo‘mitasi mart oyida o‘tkazilgan tekshiruvlar yakunlari bo‘yicha bir qator moliyaviy tashkilotlarga nisbatan choralar ko‘rdi.
Ma’lum qilinishicha, oy davomida qo‘mita 7 marotaba yig‘ilish o‘tkazib, bank va nobank kredit tashkilotlari faoliyatiga oid 29 ta masalani ko‘rib chiqqan. Natijada aniqlangan kamchiliklar yuzasidan tegishli qarorlar qabul qilingan.
Tekshiruvlar davomida prudensial normativlarga amal qilmagan 17 ta bank rasman ogohlantirilgan. Bundan tashqari, jiddiy qoidabuzarliklar aniqlangani sabab 20 ta bank, 89 ta mikromoliya tashkiloti va 79 ta lombardga jarima sanksiyalari qo‘llanilgan.
Markaziy bank bu choralarni moliya bozorida tartib-intizomni kuchaytirish, iste’molchilar huquqlarini himoya qilish hamda bank tizimiga bo‘lgan ishonchni oshirish bilan izohladi.
Qaynoq24.uz 14-aprel kuni oltin quymalari qanday narxda sotilishi haqida yozgan edi.
