Xitoyning BYD kompaniyasi yangilangan BYD Atto 3 modelini taqdim etishga yaqin. Modelning ichki ko‘rinishi taqdimotdan oldin internetga sizdirildi.
Suratlarga ko‘ra, avtomobil salonida jiddiy o‘zgarishlar amalga oshirilgan. Dizayn kompaniyaning so‘nggi Dynasty uslubiga moslashtirilgan. Oldingi modelga nisbatan interyer ancha sodda va tartibli ko‘rinishga ega.
Markaziy panel va old panel gorizontal shaklda ishlab chiqilgan. Bu salonni kengroq ko‘rsatadi va haydovchi uchun qulaylikni oshiradi. Umuman, yangi dizayn boshqa yangi BYD modellari bilan bir xil yo‘nalishga o‘tkazilgan.
Texnik jihatdan ham yangilanishlar kutilmoqda. Model ikkita batareya varianti bilan chiqadi. Ular 57,5 kWh va 68,5 kWh sig‘imga ega bo‘ladi. Yurish zaxirasi mos ravishda 540 km va 630 kmni tashkil etadi.
Avtomobil yangi avlod Blade batareyasi bilan jihozlanadi. Tez zaryadlash tizimi orqali batareyani qisqa vaqt ichida to‘ldirish mumkin. Ma’lumotlarga ko‘ra, 10 foizdan 70 foizgacha zaryadlash atigi 5 daqiqa vaqt oladi.
Dvigatel orqa o‘qda joylashadi. Quvvat 200 kW va 240 kW variantlarda taqdim etiladi. Bu esa modelning orqa g‘ildirakdan tortish tizimiga o‘tganini anglatadi.
Qaynoq24.uz Nissan Xterra avtomobili qayta tiklanishi haqida yozgan edi.
